Desde a Consellería de Cultura, Educación e Ordenación Universitaria, impúlsase a celebración anual no mes de novembro como o Mes da ciencia en galego.
Por iso, esta semana en clase convertímonos en pequenos científicos e realizamos un sinxelo experimento con flores de papel.
En primeiro lugar, cada equipo foi pasando a flor a cada un dos seus membros para coloreala de forma libre. Despois a profe recortounas e plegamos os pétalos. Finalmente, deixamos a flor na auga con suavidade, fixemos as nosas hipóteses sobre o que podía pasar e agardamos a ver que acontecía. Esta última parte permitiunos traballar a atención plena, mentres observábamos con paciencia como a flor se abría pouco a pouco.
Ningún comentario:
Publicar un comentario